Textos e fotografías da veciñanza resaltan en 31 artigos os fortes vínculos da localidade co nacemento do fenómeno xacobeo O alcalde, Antonio Fernández, estará acompañado no acto pola directora de Turismo de Galicia, Nava Castro, e o presidente da Academia Xacobea, Xesús Palmou O acto comezará ás sete e será necesaria inscrición previa por limitacións de aforo   O Auditorio municipal de Padrón acollerá na tarde do vindeiro xoves, 13 de xaneiro, a presentación do libro Padrón Xacobeo 21-22, editado pola Concellaría de Turismo e no que se recompilan 31 artigos que reflicten a íntima ligazón da vila padronesa co…

O Concello de Padrón vén de recibir corenta lotes de alimentos doados polo Show dos Pallasos, que serán distribuídos entre as familias máis desfavorecidas do municipio. Uns produtos que foron entregados por Elías Sanmarco, responsable do Show dos Pallasos e promotor desta iniciativa solidaria, á concelleira de Participación Cidadá padronesa, Carmina Bustelo, quen estivo acompañada por voluntarios de Protección Civil de Padrón. Carmina Bustelo Rial agradeceu “a iniciativa solidaria posta en marcha por Elías Sanmarco, así como a colaboración de todas as empresas e persoas que farán máis levadeiras e doces estas datas para familias en situación de vulnerabilidade e…

O Concello de Padrón vén de convocar a oitava edición do Certame Poético Rosalía de Castro, no que poderán participar todas as persoas de calquera nacionalidade que presenten obras poéticas inéditas en lingua galega non premiadas noutros concursos. A temática será de libre elección, así como a forma poética elixida, cunha extensión mínima de 400 versos. O premio, único e indivisible, consiste en 1.500 euros e un diploma acreditativo. Así mesmo, a obra premiada será publicada na colección de Poesía Rosalía de Castro do Concello de Padrón. O prazo de presentación irá do 3 de xaneiro ao 15 de marzo…

O Concello de Padrón esixirá un certificado sanitario para a práctica de actividade física ou deportiva non federada nas súas instalacións deportivas municipais cubertas. A medida afectará tanto ás persoas usuarias da piscina e do ximnasio municipais como ás actividades deportivas que realizan, por exemplo, os nosos maiores. Así, a partir do vindeiro luns 20 de decembro, as persoas maiores de 12 anos que desexen acceder a estas instalacións deportivas deberán dispoñer dun certificado que acredite que recibiron a pauta completa dunha vacina contra a Covid-19, que contan cunha proba diagnóstica negativa realizada nas últimas 72 horas (PCR) ou 48…

Xoguetería Tatino, a EEI da Escravitude e os particulares Manuel Turnes Oliveira e Claudia Franco Cardama son os gañadores do concurso “Nadal na rúa”, nas categorías de empresa, asociación sen ánimo de lucro e particulares en casa e piso, respectivamente. O fallo do concurso foi dado a coñecer esta mañá pola presidenta do xurado e concelleira de Turismo, Lorena Couso, quen agradeceu a participación rexistrada e destacou que “o xurado valorou especialmente a creatividade na ornamentación, así como a utilización de materiais de refugallo ou eco-sostibles, así como a inclusión de elementos que resalten a identidade local de Padrón”. Así,…

O deporte de alto nivel súmase ao proxecto Sana el hoy, un programa educativo posto en marcha polo Concello de Padrón para promover unha alimentación e hábitos de nutrición saudables entre os nenos e nenas de 1º a 6º de Primaria do CEIP Flavia e no CEIP Rosalía de Castro. Xogadores do Mombús Obradoiro amosaron o seu compromiso co proxecto levando as pulseiras verdes coa lenda “Sana el Hoy, vive el mañana”, mentres que xogadores do Rotogal Boiro Voleibol mesmo visitaron os CEIP Flavia e Rosalía de Castro. Así, Eloy Figueira Rial, docente do programa Sana el Hoy, impartiu catro…

O Auditorio Municipal de Padrón acolleu a presentación dunha aplicación tecnolóxica, que permitirá realizar proxeccións climáticas e así estudar o impacto do cambio climático, a nivel local e rexional. Trátase dunha ferramenta de apoio á acción polo clima, pioneira en Galicia e elaborada por MeteoGalicia. O instrumento foi presentado nun acto presidido pola conselleira de Medio Ambiente, Territorio e Vivenda, Ángeles Vázquez e o alcalde de Padrón, Antonio Fernández. Tamén asistiron: Sagrario Pérez, directora xeral de Calidade Ambiental; Mariluz Macho, subdirectora xeral de Meteoroloxía e Cambio Climático; Juan Taboada, coordinador de Meteogalicia; e os demais concelleiros e concelleiras. O alcalde…

O auditorio municipal de Padrón acolleu na noite de onte venres o acto principal programado polo CIM Terras de Iria e o Concello de Padrón para conmemorar o Día Internacional da Eliminación da Violencia contra as Mulleres. Un acto que comezou cun minuto de silencio en memoria das 37 mulleres e 4 crianzas asasinadas no que vai de ano. Acto seguido tivo lugar o acto de entrega dos premios do I Certame de debuxos con motivo do 25N a: Uxía Domínguez Vidal (2º A), Mariña Sande Vizcaya (4ºB) e Sofía Agrasar Castro (6ºA) do CEIP Flavia; e Hugo Vidal Barreiro…

 Numerosos comercios e locais de hostalería de Padrón están a decorar esta semana os seus escaparates coas creacións realizadas no I Certame de debuxos con motivo do 25N. Un certame organizado polo CIM Terras de Iria e no que participaron alumnos e alumnas dos CEIP Flavia e Rosalía de Castro. A entrega de premios aos gañadores/as terá lugar mañá venres 26 de novembro, ás 20:30 horas, no Auditorio municipal durante o acto institucional contra a violencia de xénero. O alcalde, Antonio Fernández Angueira, e a concelleira de Igualdade, Lorena Couso, serán os encargados de entregar os premios a: Uxía Domínguez…

O alumnado do primeiro curso do ciclo de Administrativo do IES Macías o Namorado realizou esta mañá unha visita de estudos ao Concello de Padrón, onde foron recibidos polo alcalde, Antonio Fernández Angueira, e a concelleira de Xuventude e Voluntariado, Lorena Couso. Unha visita que ten como obxectivo “achegar ao alumnado á realidade do mundo laboral, neste caso unha administración local como o Concello de Padrón”, explica Isabel Covelo, profesora do ciclo. Así, Antonio Fernández Angueira explicoulles ao alumnado, de idades comprendidas entre os 15 e os 20 anos, a estrutura do Concello, o funcionamento dos distintos departamentos e servizos…