• O Ministerio de Vivenda e Axenda Urbana pon á disposición da veciñanza diferentes programas destinados a facilitar o acceso á vivenda

O Concello de Padrón informa á veciñanza da existencia de distintos programas de axudas e recursos promovidos polo Ministerio de Vivenda e Axenda Urbana co obxectivo de facilitar o acceso á vivenda e ofrecer información actualizada sobre as políticas públicas nesta materia.

A través do portal oficial do Ministerio, as persoas interesadas poden consultar as diferentes iniciativas impulsadas pola Administración Xeral do Estado, así como acceder a información específica dirixida á mocidade, ás familias e a outros colectivos.

Entre os principais programas destacan o Bono Alugueiro Mozo, destinado a facilitar o acceso a unha vivenda en réxime de alugueiro para a poboación nova; o Plan de Vivenda en Alugueiro Accesible, orientado a incrementar a oferta de vivendas a prezos alcanzables; ou as iniciativas relacionadas coa Vivenda Social en España e outros recursos, servizos e programas promovidos polo Ministerio en materia de vivenda.

O Concello anima a todas as persoas que poidan beneficiarse destas medidas a informarse sobre os requisitos, prazos e condicións de cada convocatoria a través das canles oficiais do Ministerio.

Toda a información sobre os programas de vivenda, as axudas dispoñibles e os servizos ofrecidos pode consultarse en: https://www.mivau.gob.es/vivienda

Desde o Concello de Padrón seguirase difundindo información de interese para achegar á cidadanía os recursos e programas das distintas administracións que contribúan a facilitar o acceso á vivenda e a mellorar a calidade de vida da veciñanza.