As solicitudes deberán presentarse a través da sede electrónica do Concello

Están destinadas a entidades públicas publicas ou privadas e agrupacións de persoas físicas ou xurídicas sen fins de lucro que desenvolvan actividades no municipio

O Concello de Padrón volveu lanzar a convocatoria pública de subvencións municipais para promocionar as actividades culturais e festexos populares en 2024 mediante o sistema de concorrencia competitiva. O Concello destina a estas subvencións nove mil euros.

Poden solicitar estas subvencións entidades publicas ou privadas e agrupacións de persoas físicas ou xurídicas sen fins de lucro que desenvolvan actividades no municipio dende o 1 de xaneiro deste 2024.

As solicitudes deberán presentarse a través da sede electrónica do Concello, na que tamén se poderán consultar as bases.

Son subvencionables nesta convocatoria os gastos de organización e desenvolvemento de actividades concretas. A solicitude da subvención non poderá superar o 80% do orzamento de gastos previstos.

As bases desta convocatoria foron publicadas no Boletín Oficial da Provincia (consultar neste enlace).

A solicitude das axudas poderá facerse ata o 19 de xuño, a través da sede electrónica do Concello de Padrón (neste enlace).