• A actividade terá lugar o xoves, 23 de xuño, e desenvolverase no Santiaguiño do Monte
• O alumnado das escolas unitarias do municipio participará nunha iniciativa similar o 21 de xuño

O Concello de Padrón organiza unha recollida de herbas de San Xoán. A actividade, que se desenvolverá o xoves, 23 de xuño, ás 11.00 horas, está aberta a todo o público e terá por escenario o Santiaguiño do Monte. As persoas interesadas en participar deberán formular a súa inscrición na web de Turismo.

Dende o Concello anímase a poboación a participar nesta fermosa tradición, na que, ademais de recoller as tradicionais herbas de San Xoán, poderán coñecer un pouco máis as propiedades e os diferentes usos das plantas que se atopan ao seu redor. Lémbrase que as prazas para participar na actividade son limitadas.

As herbas recollidas, fundamentalmente aromáticas e medicinais que se atopan no Santiaguiño do Monte, servirán para facer o cacho esa noite. E, ao día seguinte, como manda a tradición, lavarse a cara con esa auga fresca e aromática para purificarse e espantar as meigas.

O Concello de Padrón tamén organizará esta actividade coas nenas e cos nenos das escolas unitarias do municipio. O alumnado recollerá as herbas de San Xoán o martes 21 de xuño.

Para máis información, as persoas interesadas poden chamar ao número de teléfono 646 593 319 ou mandar un mail ao enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo..