-
O alcalde presidiu esta mañá a reunión da Xunta Local encargada da coordinación//
O alcalde de Padrón, Antonio Fernández Angueira, presidiu esta mañá a Xunta Local de Seguridade na que se coordinou o dispositivo especial que operará durante as Festas da Pascua.
Participaron na xuntanza representantes da Delegación do Goberno en Galicia, do Grupo de Emerxencias Padrón-Rois-Dodro, e membros da Policía Nacional, da Policía Local e da Garda Civil. Os alcaldes de Rois, Ramón Tojo, e de Dodro, Xabier Castro, asistiron tamén como convidados, por causa da repercusión que a celebración ten en toda a comarca do Sar.
A Xunta Local de Seguridade abordou o reforzamento dos cadros dos corpos de seguridade durante as festas e a súa coordinación para responder ás previsións de grande afluencia de público. A entrada e saída de vehículos da vila e as medidas que se adoptarán o domingo de Pascua co gallo da feira cabalar foron algúns dos asuntos tratados.