• A formación, dirixida a persoas desempregadas, desenvolverase entre marzo e agosto //

• Os interesados deberán acudir ao instituto o mércores 16 de marzo ás 10 da mañá //

O IES Macías o Namorado acollerá entre o 28 de marzo e o 3 de agosto un curso de Montaxe e mantemento de sistemas de automatización industrial dirixido a persoas desempregadas e que estean en posesión do título de graduado en ESO ou equivalente. O curso, que consta dun total de 510 horas, permitirá desempañarse como instalador electricista industrial ou electricidsta de mantemento de reparación de equipos de control, medida e precisión.

As persoas interesadas en participar nesta formación gratuíta deberán presentarse o mércores 16 de marzo ás 10 da mañá no IES Macías o Namorado, onde se desenvolverá o proceso de selección. Hai un total de quince prazas dispoñibles. Cabe lembrar que para facer o curso é necesaria a inscrición na oficina de emprego.

No caso de dúbidas ou necesitar máis información, poden dirixirse ao instituto no número de teléfono 881 86 67 60.