O Concello de Padrón presenta o novo programa de conciliación para o verán, ‘Concilia Verán 2021’, que terá lugar ao longo do mes de xullo en horario de 08:00 a 14:30 horas. O prazo para inscribirse ábrese o vindeiro 17 de xuño e estará aberto ata o día 22 de xuño. O programa está dirixido a nenos e nenas de entre 3 e 12 anos de idade.

O departamento de Servizos Sociais organizou dúas quendas, a primeira entre o 1 e o 15 de xullo e a segunda entre o 16 e o 30 de xullo. O prezo por quenda é de 30 euros.

En total ofrécense para este programa 30 prazas Para tramitar esta inscrición é necesario presentar o formulario a través do Rexistro Municipal en horario de 09:00 a 13:00 horas. Para máis información, contacten con Servizos Sociais na praza Manuel Rodríguez Cobián ou no número de teléfono 981 81 70 25.