O Concello de Padrón e a Asociación Galega de Familias de Acollida (ACOUGO) formalizaron hoxe o seu convenio de colaboración, mediante o que se asentan as bases para o desenvolvemento de programas de atención, formación e difusión de sistemas de protección de menores e de acollemento familiar. Este compromiso de colaboración implica a realización de actividades conxuntas para a difusión, así como a creación de ferramentas de protección para as familias acolledoras.
Deste xeito, no marco deste convenio o Executivo local axudarán ás unidades familiares de acollemento na realización de xestións e trámites para que os pequenos poidan ir aos comedores escolares, ás actividades deportivas ou á escola infantil.
Na actualidade, no Concello de Padrón hai tres familias acolledoras mentres que en toda Galicia hai 329 familias acolledoras e máis de 1.300 nenos e nenas en centros de acollida, segundo os últimos datos recollidos. Dende ACOUGO afánanse por dar a coñecer entre a sociedade a realidade de nenas e nenos en situación de desprotección e en axudar as familias de acollida en todos os seus trámites.