Dende o mes de xuño a oficina de Turismo de Padrón ten un mostrador de atención ao público na planta baixa da Biblioteca Municipal. Deste xeito, permítese garantir a seguridade das persoas traballadoras e usuarias desde departamento. Se ben, a nova distribución non afecta ao desenvolvemento da actividade diaria da Biblioteca e permite o cumprimento das medidas de seguridade fronte á Covid-19.
O Concello de Padrón xa iniciou a tramitación para a creación dunha nova oficina de turismo máis ampla e con máis servizos para a atención das persoas usuarias. Así, esta medida foi tomada de xeito provisional á agarda de que a nova edificación estea preparada para acoller este departamento.
A Concelleira de Turismo agradece a comprensión da veciñanza ante as novas medidas adoptadas circunstancialmente e sinalou que “todas as decisións que se toman dende o equipo de Goberno buscan a seguridade do persoal así como a da poboación xeral.”