O Concello de Padrón suspende a celebración das Festas da Pascua de 2020 en base ao establecido no Real Decreto 463/2020 mediante o que se declara o estado de alarma pola crise sanitaria derivada da propagación do virus COVID-19. No Real Decreto especifícase a obrigación de suspender as verbenas, os desfiles e as festas populares. En consecuencia tamén se suspende o procedemento de licitación para o outorgamento das licenzas de uso das parcelas de dominio público municipal no Campo do Souto e no Paseo do Espolón e rúas próximas para a instalación de atraccións feirais. 

A resolución farase pública no Boletín Oficial da Provincia da Coruña, no Taboleiro de anuncios da Casa do Concello, no Taboleiro de anuncios electrónico e na páxina web. Consulta aquí o decreto municipal.