-->

Dúas pezas teatrais e unha andaina para conmemorar o Día Internacional da Muller

‘Rosalías da vida’ é o título da acción principal polo Día Internacional da Muller que o Concello de Padrón realizará con Ames, Dodro, Santiago e Brión. Trátase dunha xornada para conmemorar a todas aquelas mulleres que loitaron polos seus dereitos e pola igualdade. A andaina organizada polos cinco concellos ten como protagonista a Rosalía de Castro pois considerase como precursora do movemento feminino en Galicia por ser unha gran defensora dos dereitos das mulleres e pola súa reivindicación do papel feminino nun momento moi complicado.

A saída dende Padrón está prevista para ás 09:30 horas dende a Praza Rodríguez Cobián. A inscrición é de balde, e hai que realizala antes do 5 de marzo a través do CIM, ou ben enviando un email a Este enderezo de correo está a ser protexido dos robots de correo lixo. Precisa activar o JavaScript para velo. ou chamando por teléfono ao 611 003 472.

No marco da celebración do Día Internacional da Muller a concellería de Cultura tamén organizou a representación da peza teatral ‘O país dos mandóns’ de Teatro dos Ghazafelhos o día 6 de marzo ás 19:30 horas no Auditorio Municipal. Trátase dun espectáculo infantil no que se adaptan tres contos da colección ‘A igualdade conta’, e no que tres protagonistas camiñan polo mundo debuxando no seu mapa os lugares polos que pasan, entre eles o País dos Mandóns, que evoluciona ao País da Igualdade.

A seguinte fin de semana, o sábado 14 de marzo, Isabel Risco presentará en Padrón, no Auditorio Municipal ás 19:30 horas, o seu espectáculo teatral ‘As aventuras de Nabiza Girl’. Nesta obra a recoñecida actriz narra as andanzas dunha super heroína do rural galego.

A concelleira de Cultura, Lorena Couso, subraiou que “a través de estas tres accións celebramos e conmemoramos a figura da muller nun mes de marzo que presenta un programa moi intenso e con moitas actividades culturais na nosa vila”.

 

PadronCaminoEDestino

Contacto

Pode contactar co Concello de Padrón a través dos seguintes medios:

  • Enderezo: Rúa Longa, 27 - 15900 Padrón
  • Teléfono: (+34) 981 810 451
  • Correo electrónico: correo@padron.gal

Outros sitios web de interese

 
 
App Padrn removebg preview
 
Descarga a App de Turismo de Padrón.
Top

Aviso legal - Política de privacidade - Política de cookies - Máis información sobre as cookies

Ligazón temporal á antiga páxina web

Este sitio web utiliza cookies para que vostede poida ter a mellor experiencia de usuario/a. Se segue a navegar está a dar o seu consentimento para a aceptación das mencionadas cookies e da nosa Política de Cookies. Detalles…