-->

O Concello de Padrón estrea oficina de orientación laboral

O Concello de Padrón estreou xa a nova oficina do servizo de orientación laboral, situada no baixo do Centro Social. A nova localización mellora as condicións de accesibilidade para que todas aquelas persoas con mobilidade reducida poidan achegarse sen ningunha dificultade e ser beneficiarios dos servizos prestados por esta unidade. Ademais as novas instalacións permitirán prestar unha mellor atención a todos os usuarios deste servizo. O alcalde de Padrón sinalou que “estas novas instalacións mellorarán un servizo importante para a cidadanía padronesa”.

Así, a partir de hoxe a oficina estará situada no edificio do Centro Social da rúa Souto número 2, ata o de agora o atrio do Convento do Carme acollía este gabinete no que traballa unha técnico de orientación laboral.

A oficina de orientación laboral de Padrón atende, como mínimo, a unha media de 25 persoas cada semana para recibir asesoramento da man da experta en recursos humanos que traballa neste posto municipal. O servizo que se ofrece inclúe a realización de entrevistas personalizadas de orientación para posteriormente propoñer pautas e consellos para a busca de emprego e a xestión de currículos. Do mesmo xeito, organizan numerosos cursos de formación para fomentar a capacidade de conseguir un emprego dos usuarios deste servizo.

Contacto

Pode contactar co Concello de Padrón a través dos seguintes medios:

  • Enderezo: Rúa Longa, 27 - 15900 Padrón
  • Teléfono: (+34) 981 810 451
  • Correo electrónico: correo@padron.gal

Outros sitios web de interese

Top

Aviso legal - Política de privacidade - Política de cookies - Máis información sobre as cookies

Ligazón temporal á antiga páxina web

Este sitio web utiliza cookies para que vostede poida ter a mellor experiencia de usuario/a. Se segue a navegar está a dar o seu consentimento para a aceptación das mencionadas cookies e da nosa Política de Cookies. Detalles…