-->

Rosalía de Castro protagoniza a axenda cultural do mes de febreiro

O pistoletazo de saída das actividades para conmemorar a figura de Rosalía de Castro ao longo do mes de febreiro darano “Os Quinquilláns” coa representación de ‘A pluma viva de Rosalía’, unha obra dirixida aos nenos e nenas de 3º e 4º da ESO dos IES de Padrón. Posteriormente, os días 11, 12, 13, 19 e 20 haberá visitas teatralizadas á Casa Museo Rosalía de Castro dirixidas aos centros educativos da vila.

O martes 18 de febreiro para a rapazada de 2º e 3º de Primaria do CEIP Rosalía de Castro e CEIP Flavia haberá un espectáculo de títeres baixo o título ‘Gale, historia da lingua’, e o 19 de febreiro será o alumnado de 4º, 5º e 6º de Educación Infantil e 1º de Primaria dos mesmos centros, os que asistirán como público á representación do grupo Títeres a Xanela do Maxín, ‘A toupiña que quería saber quen lle fixera aquelo na cabeza’.

Paralelamente a toda esta programación,  durante os días 22, 23 e 24 de febreiro os establecementos de hostalería que teñan un cartel identificativo ofrecerán o caldo de Rosalía para a súa degustación.

E, como broche final, o venres 28 de febreiro o Auditorio Municipal acollerá a presentación do poemario ‘O corazón pronúnciase extenso’ de Oriana Méndez Fuentes, gañadora do V Certame Poético Rosalía de Castro. E na mesma sesión, terá lugar a representación de ‘A pluma viva de Rosalía’ do grupo “Os Quinquilláns”.

VI Certame Poético Rosalía de Castro

Pola súa parte, o VI Certame Poético xa está convocado, e o prazo para enviar o teu poema e candidatura para o concurso remata o 16 de marzo. Pódense presentar todas as obras inéditas en lingua galega, que non houbesen sido premiadas noutras competicións.  O premio é de 1.500 euros e un diploma acreditativo, e a obra premiada será publicada na colección de Poesía Rosalía de Castro do Concello de Padrón.

Contacto

Pode contactar co Concello de Padrón a través dos seguintes medios:

  • Enderezo: Rúa Longa, 27 - 15900 Padrón
  • Teléfono: (+34) 981 810 451
  • Correo electrónico: correo@padron.gal

Outros sitios web de interese

Top

Aviso legal - Política de privacidade - Política de cookies - Máis información sobre as cookies

Ligazón temporal á antiga páxina web

Este sitio web utiliza cookies para que vostede poida ter a mellor experiencia de usuario/a. Se segue a navegar está a dar o seu consentimento para a aceptación das mencionadas cookies e da nosa Política de Cookies. Detalles…