-->

Padrón promociona desde Gaggi (Italia) o seu potencial turístico, histórico, cultural e industrial

 

O alcalde de Padrón, Antonio Fernández Angueira, aproveitou a súa presenza na localidade italiana de Gaggi, no marco do proxecto Citizens together for sharing our Common Heritage, para divulgar e promocionar os valores e o potencial turístico, histórico, cultural, industrial e gastronómico do municipio padronés. O rexedor padronés participou neste congreso xunto cos seus homólogos de Holloko (Hungría), Obsthina Mezdra (Bulgaria), Safi (Malta), e Obec Glabusovce (Eslovaquia). 

Esta cita, financiada polo programa europeo Irmandamento de Cidades, permitiu darlle visibilidade á relevancia de Padrón como berce da tradición xacobea, así como destacar o seu protagonismo no ámbito literario por ser tamén berce de grandes autores como Rosalía de Castro ou Camilo José Cela. No apartado gastronómico, Fernández Angueira destacou o coñecemento en practicamente todo o mundo dos famosos pementos de Herbón.

Ademais, o alcalde padronés aproveitou para ensalzar os valores que permitiron a construción de Europa, citando entre eles a cooperación, a liberdade, a democracia, a igualdade e o estado de dereito.

Contacto

Pode contactar co Concello de Padrón a través dos seguintes medios:

  • Enderezo: Rúa Longa, 27 - 15900 Padrón
  • Teléfono: (+34) 981 810 451
  • Correo electrónico: correo@padron.gal

Outros sitios web de interese

Top

Aviso legal - Política de privacidade - Política de cookies - Máis información sobre as cookies

Ligazón temporal á antiga páxina web

Este sitio web utiliza cookies para que vostede poida ter a mellor experiencia de usuario/a. Se segue a navegar está a dar o seu consentimento para a aceptación das mencionadas cookies e da nosa Política de Cookies. Detalles…