-->

O Concello de Padrón renova a súa páxina web "para facela máis atractiva e funcional"

 

O Concello de Padrón estreou esta mañá a renovación da súa páxina web, www.padron.gal, coa finalidade de convertela nunha ferramenta "máis atractiva desde o punto de vista estético", pero, sobre todo, "para que sexa máis operativa e funcional para os cidadáns deste concello e para os milleiros de persoas que nos visitan cada ano".

Segundo indicou o rexedor local, Antonio Fernández Angueira, a mellora da presenza do Concello de Padrón na Rede "era unha das eivas que arrastrabamos desde hai tempo e que a partires de hoxe queda solucionada". Neste senso, destacou que a nova páxina web, que se poderá consultar no mesmo dominio que a anterior, www.padron.gal, será un "instrumento vivo", que seguirá a enriquecerse e incorporar novos contidos desde hoxe mesmo e que manterá actualizada a información sobre as principais actividades que organiza o concello.

O alcalde salienta que a configuración deste novo sitio web responde fundamentalmente a dous obxectivos: o primeiro é convertela "nun primeiro escaparate para os milleiros de visitantes e turistas que pasan cada ano por Padrón para que poidan ter unha noción básica sobre o que ofrece este concello" e, en segundo logar, que "a navegabilidade e usabilidade sexa máis sinxela e intuitiva", especialmente para os padroneses que terán nesta web "unha ferramenta para realizar trámites administrativos co concello, a través da sede electrónica xestionada en colaboración coa deputación".

Desde un punto de vista técnico, trátase dunha páxina "responsive", o que quere dicir que se adapta aos diferentes formatos de dispositivos electrónicos (smartphones, tablets e ordenadores) para facilitar a lectura e navegación en cada un deles.

Contacto

Pode contactar co Concello de Padrón a través dos seguintes medios:

  • Enderezo: Rúa Longa, 27 - 15009 Padrón
  • Teléfono: (+34) 981 810 451
  • Correo electrónico: correo@padron.gal

Outros sitios web de interese

Top

Aviso legal - Política de privacidade - Política de cookies - Máis información sobre as cookies

Ligazón temporal á antiga páxina web

Este sitio web utiliza cookies para que vostede poida ter a mellor experiencia de usuario/a. Se segue a navegar está a dar o seu consentimento para a aceptación das mencionadas cookies e da nosa Política de Cookies. More details…