-->

Máis de 120 expedicionarios da Ruta Quetzal, impulsada por De la Cuadra Salcedo, visitan Padrón

 

O alcalde de Padrón, Antonio Fernández Angueira, e a concelleira de Turismo, Lorena Couso, recibiron esta mañá no salón de plenos do consistorio a máis de 120 expedicionarios da Ruta Quetzal que están a gozar dunha estancia de tres días en Galicia e que aproveitaron a ocasión para realizar unha visita guiada por Padrón e para coñecer a Casa-Museo de Rosalía de Castro.

Este numeroso grupo, formado por participantes dalgunha das viaxes organizadas pola Ruta Quetzal, está coordinado por Íñigo De la Cuadra Salcedo, fillo do promotor deste coñecido programa de formación e aventura, Miguel de la Cuadra Salcedo, falecido o ano pasado. Precisamente, a celebración deste sétimo encontro de roteiros en Galicia estalles a servir a estes expedicionarios para homenaxear ao ideólogo e impulsor da Ruta Quetzal.

O alcalde padronés aproveitou a recepción no consistorio para pór en valor as principais señas de identidade de Padrón, como son Rosalía de Castro, os pementos, Camilo José Cela ou a tradición xacobea, e convidounos a volver visitar Padrón no futuro para poder coñecer máis a fondo todos os atractivos turísticos, gastronómicos e culturais.

Contacto

Pode contactar co Concello de Padrón a través dos seguintes medios:

  • Enderezo: Rúa Longa, 27 - 15009 Padrón
  • Teléfono: (+34) 981 810 451
  • Correo electrónico: correo@padron.gal

Outros sitios web de interese

Top

Aviso legal - Política de privacidade - Política de cookies - Máis información sobre as cookies

Ligazón temporal á antiga páxina web

Este sitio web utiliza cookies para que vostede poida ter a mellor experiencia de usuario/a. Se segue a navegar está a dar o seu consentimento para a aceptación das mencionadas cookies e da nosa Política de Cookies. More details…