O Concello de Padrón conmemorou hoxe o Día das Letras Galega cunha dobre actividade, deportiva e cultural. Unhas 120 persoas participaron no Día da Bicicleta, facendo un percorrido de 16 quilómetros polo municipio, mentres outro grupo descubría cos Quinquilláns algúns dos segredos da vida da poeta Rosalía de Castro.

O Día da Bicicleta comezaba ás 10.00 horas cunha visita ás instalacións do Club Ciclista Padronés Cortizo das persoas que se inscribiron con antelación. Logo, no Espolón, mentres se completaba a inscrición das 120 persoas participantes, nenos e nenas amosaban as súas habilidades nunha xincana.

O grupo tomaría a saída sobre ás 11.30 horas dende o Espolón para percorrer 16 quilómetros polo municipio, facendo un alto na desembocadura do río Ulla para repoñer forzas. Ao rematar a proba houbo sorteo de material deportivo doado polos colaboradores da proba, Oliveira Bike, Casa Grobas e Deportes Estornela.

O Concello de Padrón agradece a colaboración das catro entidades colaboradoras co Día da bicicleta.