- A Coral Val do Sar presentou a súa nova directora, Iolanda Eiras ||
- Jhonny Vergara lembrou a vida de Antonio Machín no seu espectáculo ‘Toda unha vida’ ||ç
Como cada 6 de maio, o Concello de Padrón rendeu homenaxe ao seu patrón San Xoán do Raio. Os actos oficiais arrincaban coa tradicional procesión do santo dende a casa consistorial ata a igrexa de Santiago. A imaxe estivo acompañada durante o seu percorrido polo alcalde, Antonio Fernández Angueira, membros da Corporación, veciñanza e o grupo de gaitas da Asociación Cultural San Pedro de Carcacía.
Tras a misa, os actos trasladábanse ao auditorio municipal onde se celebraron dous concertos. O primeiro, a cargo da Coral Val do Sar que aproveitou para presentar a súa nova directora, Iolanda Eiras. E a segunda actuación foi protagonizada polo cantante Jhonny Vergara, quen lembrou cancións de Antonio Machín no seu espectáculo Toda unha vida.
A festividade de San Xoán do Raio finalizou co tradicional xantar de confraternidade para a terceira idade no restaurante do Hotel Scala e no que participaron preto de 400 persoas. No transcurso do xantar sorteáronse entre as persoas asistentes 4 lotes de botellas de viño, dúas ceas para dúas persoas no Hotel Scala e dous bonos para dúas persoas no Balneario de Cuntis. Todos os agasallos foron doados polo Hotel Scala. O xantar de confraternidade finalizou cun animado baile amenizado polo Trío Sabrosito.
Nos enlaces do facebook do Concello podes ver máis imaxes sobre a celebración da festividade de San Xoán do Raio tanto da procesión como das actuacións musiciais e do xantar das persoas maiores